كريم فهمي يعترف على الهواء: عشت المساكنة قبل الزواج.. ومبفكرش في الإلحاد

أعلن الفنان كريم فهمي، أنه خاض تجربة المساكنة قبل الزواج، وذلك خلال لقائه في برنامج كتاب الشهرة الذي يعرض على قناة الجديد.

وقال كريم فهمي، خلال اللقاء: آه طبعا أكيد، أكره المجاهرة بالمعصية، ومش هعمل نفسي متدين، ممكن أكون بعمل حاجات غلط بس مش لازم اقولها على الهوا، و80% من الشباب أكيد عدوا بالمرحلة دي.

وتابع: مبتبعش شيخ الأزهر في كل شيء، لا أوافقه ولا أعارضه، أنا اقرأ كثيرا في كل الفروع، وخصوصا في الدين، بس مقدرش اتناقش معك.

وأضاف: مفكرتش قبل كده في الإلحاد، وبالتأكيد يأتي لي الكثير من الأفكار والتساؤلات، مثل ليه أهالينا في فلسطين بيحصل فيهم كدة، نفسي ربنا يجازي الناس التانية، أنا عارف أن ربنا هيعمل حاجة وشايل حاجة في وقت ما، لأن ربنا هو أحسن واحد يكتب سيناريو للبشرية، سيناريو هو الأدرى به، لكن أنا أستعجله.